އިސްރާއީލުން ޣައްޒާއަށް ދެމުން ގެންދާ ހަމަލާތަކުގައި ފާއިތުވި 24 ގަޑިއިރުގެ ތެރޭގައި ފަލަސްތީނުގެ 81 މީހަކު ޝަހީދުކޮށްލާފައިވާ ކަމަށް މީޑިއާ ރިޕޯޓްތައް ބުނެފިއެވެ.
ޣައްޒާގެ ހެލްތު މިނިސްޓްރީއާ ހަވާލާދީ މީޑިއާ ރިޕޯޓުތައް ބުނާ ގޮތުން އިއްޔެ އެކަނިވެސް ޣައްޒާގެ އެކި ސަރަޙައްދުތަކުގައި އިސްރާއީލުން ދިން ޙަމަލާތަކުގައި 81 މީހަކު ވަނީ ޝަހީދުކޮށްލާފައެވެ.
އަދި 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން އިއްޔެގެ ނިޔަލަށް އިސްރާއީލުގެ ޙަމަލާތަކުގައި ފަލަސްތީނުގެ 53،977 މީހުންގެ ފުރާނަ ގެއްލިފައިވާ ކަމަށް ރިޕޯޓުތައް ބުނެއެވެ.
ހަމައެހެންމެ އެ މުއްދަތުގެ ތެރޭގައި ޒަހަމްވީ މީހުންގެ އަދަދު 122،966 އަށް އަރާފައިވާ ކަމަށް ވެސް ޣައްޒާގެ ހެލްތު މިނިސްޓްރީއާ ހަވާލާދީ ރިޕޯޓުތައް ބުނެއެވެ.
މީގެ އިތުރުން ހަމަލާތައް ހުއްޓާލަން ނިންމުމަށްފަހު މި އަހަރުގެ މާރިޗު މަހު އަލުން ހަމަލާތައް ފެށުމާ ގުޅިގެން އިތުރު 3،822 މީހުން ޝަހީދުވެ، 10،925 މީހުން ޒަޚަމްވެފައިވާ ކަމަށް ވެސް އެ މިނިސްޓްރީން ހާމަކުރެއެވެ.
